Englishहिन्दीമലയാളംதமிழ்తెలుగు

ತ್ರಿವರ್ಣವುಳ್ಳ ಅಂಗಿ ತೊಟ್ಟ ಟಿ20 ವೀರರು

Posted by:
Updated: Friday, August 17, 2012, 13:17 [IST]
 

ಮುಂಬೈ, ಆ.17: ಟೀಂ ಇಂಡಿಯಾದ ಟ್ವೆಂಟಿ 20 ತಂಡದ ಆಟಗಾರರಿಗೆ ಮಾತ್ರ ಈ ಹೊಸ ದಿರಿಸು ಸಿಕ್ಕಿದೆ. ಗುರುವಾರ(ಆ.16) ಈ ಹೊಸ ಜರ್ಸಿ ತೊಟ್ಟ ಯುವರಾಜ್ ಸಿಂಗ್, ಎಂಎಸ್ ಧೋನಿ, ವಿರಾಟ್ ಕೊಹ್ಲಿ ರೋಹಿತ್ ಶರ್ಮ ಹಾಗೂ ಅಜಿಂಕ್ಯ ರಹಾನೆ ಸಂಭ್ರಮದ ಕ್ಷಣಗಳು ಕಣ್ಮನ ಸೆಳೆಯುತ್ತದೆ.


ತ್ರಿವರ್ಣ ಧ್ವಜವುಳ್ಳ ಅಂಗಿ ತೊಟ್ಟ ಕ್ರಿಕೆಟ್ ಆಟಗಾರರು ಹೆಮ್ಮೆಯಿಂದ ಎದೆಯುಬ್ಬಿಸಿ ಫೋಟೋ ಸೆಷನ್ ನಲ್ಲಿ ಪೋಸ್ ಕೊಡುತ್ತಿರುವುದು ನೀವು ನೋಡಿ...


ಟಿ20 ತಂಡ ಯುವ ಆಟಗಾರರ ಪೈಕಿ ಅತ್ಯಂತ 'ಯಂಗ್ ಅಂಡ್ ಎನರ್ಜಿಟಿಕ್' ಆಗಿ ಕಾಣುತ್ತಿದ್ದ ಯುವರಾಜ್ ಸಿಂಗ್ ಅವರು ಮತ್ತೊಮ್ಮೆ ಟೀಂ ಇಂಡಿಯಾ ಜರ್ಸಿ ಧರಿಸಿದ ಖುಷಿಯಲ್ಲಿದ್ದರು. ಕ್ಯಾನ್ಸರ್ ನಿಂದ

'ಮುಕ್ತಿ ಹೊಂದಿದ ಮೇಲೆ ಮನಸ್ಸು ಹಗುರಾಗಿದೆ. ಭಾರತವನ್ನು ಮತ್ತೊಮ್ಮೆ ಪ್ರತಿನಿಧಿಸುವ ಅವಕಾಶ ಸಿಕ್ಕಿರುವುದು ನನ್ನ ಪುಣ್ಯ. ಇದೇ ಮೊದಲ ಬಾರಿಗೆ ತಂಡಕ್ಕೆ ಆಯ್ಕೆಯಾದ ರೀತಿ ಫೀಲ್ ನಲ್ಲಿದ್ದೇನೆ. ತುಂಬಾ ಹಿಂಜರಿಕೆ, ಆತಂಕವಿದೆ ಆದರೆ, ಉತ್ತಮ ಪ್ರದರ್ಶನ ನೀಡುವ ಆತ್ಮವಿಶ್ವಾಸವಿದೆ' ಎಂದಿದ್ದಾರೆ.

ನಿರಂತರ ಕ್ರಿಕೆಟ್ ಗೆ ಸಿದ್ಧ: ಅರ್ಧ ತಿಂಗಳು ಬ್ರೇಕ್ ಸಿಕ್ಕಿದ ಮೇಲೆ ನಿರಂತರ ಕ್ರಿಕೆಟ್ ಅಡಲು ನಮ್ಮ ಮೈ, ಮನಸ್ಸು ರೆಡಿಯಾಗಿದೆ. ಶ್ರೀಲಂಕಾದಲ್ಲಿನ ಏಕದಿನ ಸರಣಿ ಮೂಲಕ ತಂಡ ಮತ್ತೊಮ್ಮೆ ಒಗ್ಗೂಡುವಂತಾಗಿದೆ. ಹೊಸ ಉತ್ಸಾಹದೊಂಡಿಗೆ ತಂಡ ಕಣಕ್ಕಿಳಿಯಲಿದೆ. ನ್ಯೂಜಿಲೆಂಡ್ ಸರಣಿ, ವಿಶ್ವಕಪ್ ಟಿ20 ಎರಡರಲ್ಲೂ ಉತ್ತಮ ಪ್ರದರ್ಶನ ನೀಡಲಿದೆ ಎಂದು ನಾಯಕ ಎಂಎಸ್ ಧೋನಿ ಹೇಳಿದರು.

ಟೆಸ್ಟ್, ಏಕದಿನ ಪಂದ್ಯ ಹಾಗೂ ಟಿ20 ಪಂದ್ಯಕ್ಕೆ ವೈವಿಧ್ಯಮಯ ಜರ್ಸಿಗಳು ಅಗತ್ಯವಿದ್ದು, ಅಗತ್ಯಕ್ಕೆ ತಕ್ಕಂತೆ ಜರ್ಸಿಗಳನ್ನು ಪಡೆಯುತ್ತಿದ್ದೇವೆ. ಅಭಿಮಾನಿಗಳಿಗೆ ಕೂಡಾ ಇದು ಆಕರ್ಷಕವಾಗಿ ಕಾಣಲಿದೆ. ಟಿ20ಗೆ ಪ್ರತ್ಯೇಕ ಜರ್ಸಿ ಅಗತ್ಯತೆ ಬಗ್ಗೆ ಬಿಸಿಸಿಐಗೆ ಮನವರಿಕೆಯಾಗಿರುವುದು ಸ್ವಾಗತಾರ್ಹ ಎಂದು ಧೋನಿ ಹೇಳಿದರು.


ಸಾಮಾನ್ಯವಾಗಿ ಧರಿಸಲ್ಪಡುವ ಜರ್ಸಿಗಳಿಗಿಂತ ಈ ಹೊಸ ಜರ್ಸಿ ಶೇ 43 ರಷ್ಟು ಹಗುರವಾಗಿದ್ದು, ಏಕದಿನ ಪಂದ್ಯಕ್ಕೆ ಧರಿಸುವ ಜರ್ಸಿಗಿಂತ ಗಾಢ ಬಣ್ಣವನ್ನು ಹೊಂದಿದೆ. ಈ ಹೊಸ ಜರ್ಸಿಯಲ್ಲಿ ತ್ರಿವರ್ಣ ಧ್ವಜವನ್ನು ಜಾಣ್ಮೆಯಿಂದ ವಿನ್ಯಾಸಗೊಳಿಸಿ ಸೇರಿಸಲಾಗಿದ್ದು, ಹೊಸ ಟ್ರೆಂಡ್ ಹುಟ್ಟಿಹಾಕಲಿದೆ ಎಂದು ಧೋನಿ ಅಭಿಪ್ರಾಯಪಟ್ಟಿದ್ದಾರೆ.

Story first published:  Friday, August 17, 2012, 12:40 [IST]
English summary
Team India launched its new jersey created by Nike exclusively for the Twenty20 format at Mumbai on Thursday. Team India cricketers Yuvraj Singh, MS Dhoni, Virat Kohli , Irfan Pathan, Rohit Sharma, Ajinkya Rahane were present at the launch.
ಅಭಿಪ್ರಾಯ ಬರೆಯಿರಿ