Englishहिन्दीമലയാളംதமிழ்తెలుగు

ಮುಂಬೈ ಮಾಡೆಲ್ ಜೊತೆ ಪಾಕ್ ಅಂಪೈರ್ ಕಾಮದಾಟ

Posted by:
Updated: Thursday, August 16, 2012, 10:02 [IST]
 

ಮುಂಬೈ ಮಾಡೆಲ್ ಜೊತೆ ಪಾಕ್ ಅಂಪೈರ್ ಕಾಮದಾಟ
 

ಮುಂಬೈ, ಆ.15: ಐಸಿಸಿ ಎಲೈಟ್ ಪ್ಯಾನೆಲ್ ಅಂಪೈರ್ ಆಗಿರುವ ಪಾಕಿಸ್ತಾನದ ಅಸದ್ ರಾಫ್ ಅವರು ನನ್ನನ್ನು ಲೈಂಗಿಕವಾಗಿ ಬಳಸಿ ಕೊಂಡು ನಂಬಿಸಿ ಮೋಸ ಮಾಡಿದ್ದಾರೆ ಎಂದು ಮುಂಬೈ ಮೂಲದ ರೂಪದರ್ಶಿ ಲೀನಾ ಕಪೂರ್ ಆರೋಪಿಸಿದ್ದಾರೆ.

ಅಸದ್ ರಾಫ್ ಹಾಗೂ ಲೀನಾ ಜೊತೆಗಿರುವ ಸಚಿತ್ರ ವರದಿ ಮಾಡಿರುವ ಮಿಡ್ ಡೇ ಪ್ರಕಾರ ವಿವಾಹಿತ ರಾಫ್ ಹಾಗೂ ಲೀನಾ ನಡುವೆ ಶ್ರೀಲಂಕಾದಲ್ಲಿ ಪ್ರೇಮಾಂಕುರವಾಗಿತ್ತು. ಅಸದ್ ರಾಫ್ ಅವರಿಗೆ ಮದುವೆಯಾಗಿ 2 ಮಕ್ಕಳಿರುವುದು ಗೊತ್ತಿದೆ. ಆದರೆ ನಮ್ಮ ಧರ್ಮದಲ್ಲಿ ಬಹುಪತ್ನಿತ್ವ ನಿಷೇಧವಾಗಿಲ್ಲ. ನಿನ್ನನ್ನು ನಾನು ಮದುವೆಯಾಗುತ್ತೇನೆ. ನಮ್ಮ ಮದುವೆಗೆ ನಮ್ಮ ಕುಟುಂಬದಲ್ಲಿ ಯಾವುದೇ ಅಡ್ಡಿ ಇರುವುದಿಲ್ಲ ಎಂದು ನನ್ನನ್ನು ನಂಬಿಸಿದ್ದ ಎಂದು ಲೀನಾ ಹೇಳಿಕೊಂಡಿದ್ದಾರೆ.

ಮದುವೆ ನಂತರ ಹೊಸ ಫ್ಲ್ಯಾಟ್ ಕೊಡಿಸುವ ಭರವಸೆ ನೀಡಿದ್ದ. ತನ್ನನ್ನು ಲೈಂಗಿಕವಾಗಿ ಬಳಸಿಕೊಂಡು ಈಗ ನನ್ನ ಪ್ರೇಮ ನಿರಾಕರಿಸುತ್ತಿದ್ದಾನೆ. 6 ತಿಂಗಳ ಹಿಂದೆ ನಮ್ಮ ಭೇಟಿಯಾಗಿದ್ದು, ನಾವು ಶ್ರೀಲಂಕಾದಲ್ಲಿ ಮೂರ್ನಾಲ್ಕು ದಿನ ಸುತ್ತಾಡಿದ್ದೆವು ಎಂದು ಲೀನಾ ಹೇಳಿದ್ದಾರೆ.

ನಂತರ ನಾನು ರಾಫ್ ನನ್ನು ಸಂಪರ್ಕಿಸಲು ಹಲವು ಬಾರಿ ಪ್ರಯತ್ನಪಟ್ಟೆ. ಕಳೆದ ಐದಾರು ದಿನಗಳ ಹಿಂದೆ ಸಂಪರ್ಕ ಸಿಕ್ಕಿದ್ದಾಗ ಮಾತನಾಡಿದ ರಾಫ್ ನನ್ನನ್ನು ಅಪರಿಚಿತಳಂತೆ ಮಾತನಾಡಿಸಿದರು. ನನಗೆ ನ್ಯಾಯ ಕೊಡಿಸಿ ಎಂದು ಮುಂಬೈ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾನೆ ಎಂದು ಲೀನಾ ಹೇಳಿದ್ದಾರೆ.

ಅಸದ್ ಪ್ರತಿಕ್ರಿಯೆ: ಆಕೆಯನ್ನು ನಾನು ಒಮ್ಮೆ ಭೇಟಿಯಾಗಿದ್ದು ನಿಜ. ಆದರೆ, ತೀರಾ ಹತ್ತಿರದ ಪರಿಚಯವಿಲ್ಲ. ಬಿಗ್ ಬಾಸ್ ಟಿವಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಬೇಕು ನಿಮ್ಮ ಸಹಾಯ ಬೇಕು ಎಂದು ಕೇಳಿಕೊಂಡು ನನ್ನ ಬಳಿ ಬಂದಿದ್ದಳು. ಕ್ರಿಕೆಟ್ ಕ್ಷೇತ್ರದ ಗಣ್ಯರೊಡನೆ ಅಭಿಮಾನಿಗಳು ಫೋಟೊ ತೆಗೆಸಿಕೊಂಡಂತೆ ಆಕೆ ಕೂಡಾ ಫೋಟೋ ತೆಗೆಸಿಕೊಂಡಿರಬಹುದು. ಅದನ್ನು ಬಿಟ್ಟರೆ ನನಗೆ ಆಕೆಗೂ ಏನೂ ಸಂಬಂಧವಿಲ್ಲ ಎಂದು ಅಸದ್ ಹೇಳಿದ್ದಾರೆ.

ಯಾರಿತ ಅಸದ್: 1956 ರ ಮೇ 12ರಂದು ಲಾಹೋರ್ ನಲ್ಲಿ ಜನಿಸಿದ ಅಸದ್ ಅವರು ಪಾಕಿಸ್ತಾನದ ಪ್ರಥಮ ದರ್ಜೆ ಕ್ರಿಕೆಟರ್ ಆಗಿದ್ದವರು ನಂತರ ಐಸಿಸಿ ಎಲೈಟ್ ಅಂಪೈರ್ ಪ್ಯಾನೆಲ್ ನಲ್ಲಿ ಸದಸ್ಯರಾಗಿ ಬೆಳೆದವರು.

1977 ರಿಂದ 1992 ತನಕ ಪ್ರಥಮ ದರ್ಜೆ ಪಂದ್ಯಗಳನ್ನಾಡಿದ ಅಸದ್ ಅವರು 35.36 ರನ್ ಸರಾಸರಿಯಂತೆ 672 ರನ್ ಗಳಿಸಿದ್ದು ಇದರಲ್ಲಿ 1 ಶತಕ ಹಾಗೂ 5 ಅರ್ಧಶತಕಗಳಿದೆ.

1998ರಲ್ಲಿ ಪ್ರಥಮ ದರ್ಜೆ ಅಂಪೈರ್ ಆದ ಅಸದ್, ನಂತರ ಐಸಿಸಿ ಮಾನ್ಯತೆ ಪಡೆದ ಅಂಪೈರ್ ಗಳ ಪಟ್ಟಿ ಸೇರಿದರು. 2005ರಿಂದ ಇಂದಿನವರೆಗೂ 29 ಟೆಸ್ಟ್ ಪಂದ್ಯ, 2000ರಿಂದ ಇಂದಿನವರೆಗೂ 72 ಏಕದಿನ ಪಂದ್ಯ ಹಾಗೂ 2007ರಿಂದ ಇಂದಿನವರೆಗೂ 13 ಟ್ವೆಂಟಿ 20 ಪಂದ್ಯಗಳಲ್ಲಿ ಅಂಪೈರ್ ಯಾಗಿ ಕಾರ್ಯ ನಿರ್ವಹಿಸಿದ್ದಾರೆ.

Story first published:  Wednesday, August 15, 2012, 11:25 [IST]
English summary
A Mumbai-based model Leena Kapoor has accused Asad Rauf, an umpire of the International Cricket Council elite panel of physical exploitation and cheating. A case has been booked against Asad in Mumbai police station. Asad has declined the allegations.
ಅಭಿಪ್ರಾಯ ಬರೆಯಿರಿ