Englishहिन्दीമലയാളംதமிழ்తెలుగు

ಪುಸ್ತಕ ರೂಪದಲ್ಲಿ ಯುವರಾಜ್ ಕ್ಯಾನ್ಸರ್ ಗೆದ್ದ ಕತೆ

Posted by:
Updated: Tuesday, July 10, 2012, 22:31 [IST]
 

ಪುಸ್ತಕ ರೂಪದಲ್ಲಿ ಯುವರಾಜ್ ಕ್ಯಾನ್ಸರ್ ಗೆದ್ದ ಕತೆ
 

ಬೆಂಗಳೂರು, ಜು.10: ಭಾರತದ ಹೆಮ್ಮೆಯ ಆಲ್ ರೌಂಡರ್ ಯುವರಾಜ್ ಸಿಂಗ್ ಅವರು ಕ್ಯಾನ್ಸರ್ ಗೆದ್ದ ಪುಸ್ತಕ ರೂಪದಲ್ಲಿ ಹೊರಬರಲಿದೆ. "In Different Form" ಎಂಬ ಪುಸ್ತಕ ಡಿಸೆಂಬರ್ 2012ರಲ್ಲಿ ಪ್ರಕಟಣೆಗೊಳ್ಳಲಿದೆ.

ಕ್ಯಾನ್ಸರ್ ಗೆದ್ದು ಕ್ರಿಕೆಟ್ ಅಂಗಳಕ್ಕೆ ಮತ್ತೆ ಕಾಲಿಟ್ಟಿರುವ ಯುವರಾಜ್ ಅವರ ಕ್ಯಾನ್ಸರ್ ತುತ್ತಾಗಿ ಪಟ್ಟ ಪಾಡು, ಅನುಭವಿಸಿದ ಕಷ್ಟ ನಷ್ಟಗಳ ಸಮಗ್ರ ಚಿತ್ರಣ ಈ ಪುಸ್ತಕದ ಜಗತ್ತಿಗೆ ತೆರೆದುಕೊಳ್ಳಲಿದೆ.

"Guys always wanted to share my memories of past few years and cancer. Random House India coming out with my book soon. Very excited!!,"ಎಂದು 30 ವರ್ಷದ ಎಡಗೈ ಆಲ್ ರೌಂಡರ್ ಯುವರಾಜ್ ಟ್ವೀಟ್ ಮಾಡಿದ್ದಾರೆ.

ಕ್ಯಾನ್ಸರ್ ಜೊತೆ ಹೋರಾಟ ನಡೆಸುವ ಸಂದರ್ಭದಲ್ಲಿ ಆರ್ಮಸ್ಟ್ರಾಂಗ್ ಸೇರಿದಂತೆ ಅನೇಕ ಸಾಧಕರ ಬಗ್ಗೆ ಪುಸ್ತಕಗಳನ್ನು ಓದಿ ಪ್ರಭಾವಿತರಾದ ಯುವರಾಜ್ ಸಿಂಗ್ ಅವರು ಈಗ ತಮ್ಮ ಕಥೆ ಮೂಲಕ ಯುವ ಜನಾಂಗಕ್ಕೆ ಇನ್ನಷ್ಟು ಸ್ಪೂರ್ತಿ ತುಂಬಲಿದ್ದಾರೆ ಎಂದು ಪ್ರಕಾಶಕರು ಹೇಳಿದ್ದಾರೆ. ಯುವರಾಜ್ ಅವರ ಪುಸ್ತಕ In Different Form ಅನ್ನು 12 ಡಿಸೆಂಬರ್ 2012ರಂದು Random House India ಸಂಸ್ಥೆ ಹೊರ ತರುತ್ತಿದೆ.

'ನನ್ನ ಬದುಕಿನಲ್ಲಿ ಅನೇಕ ವಿಷಯಗಳು C ಅಕ್ಷರದೊಂದಿಗೆ ತಗುಲಿ ಹಾಕಿಕೊಂಡಿದೆ. ನಾನು Chandigarh ನಲ್ಲಿ ಜನಿಸಿದೆ. ನಂತರ ನಾನು cricketer ಆದೆ. ದಶಕಗಳ ಕಾಲ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಒಳ್ಳೆ ಅನುಭವ ಪಡೆದೆ. ಆದರೂ ನನ್ನ ತಂಡದ ಇತರೆ ಸದಸ್ಯರಂತೆ ನನಗೂ Cup ಮೇಲೆ ಸದಾ ಕಣ್ಣಿತ್ತು. ವಿಶ್ವಕಪ್ ಗೆದ್ದು ಕ್ರಿಕೆಟ್ ಜಗತ್ತಿನಲ್ಲಿ ಭಾರತವನ್ನು ಮೆರೆಸುವುದು ನನ್ನ ಆಸೆಯಾಗಿತ್ತು..ಆನಂತರ ನನ್ನ ಬದುಕಿನಲ್ಲಿ ಹೊಸ C ಹಾಸುಹೊಕ್ಕಿತ್ತು. ಇದೆ ನನ್ನ Cancer ಕಥೆ...' ಎಂದು ಯುವರಾಜ್ ಹೇಳಿದ್ದಾರೆ.

ವಿಶ್ವಕಪ್ ನಿಂದ ಕ್ಯಾನ್ಸರ್ ತನಕ ನನಗೆ ಬದುಕು ಸಾಕಷ್ಟು ವಿಷಯಗಳನ್ನು ಕಲಿಸಿದೆ. ಕ್ಯಾನ್ಸರ್ ತಗುಲಿಕೊಂಡ ಮೇಲೆ ಭಾರತದಲ್ಲಿರುವ ಕ್ಯಾನ್ಸರ್ ರೋಗಿಗಳ ಬಗ್ಗೆ ತಿಳಿದುಕೊಂಡೆ. ಅವರಲ್ಲಿ ಎಷ್ಟೋ ಮಂದಿಗೆ ತಮಗೆ ಒದಗಿರುವ ಸಂಕಷ್ಟದಿಂದ ಪಾರಾಗುವ ಬಗೆ ತಿಳಿಯದೆ ಒದ್ದಾಡುತ್ತಿರುತ್ತಾರೆ. ಹಲವಾರು ಗೊಂದಲದ ಮೂಟೆ ಹೊತ್ತುಕೊಂಡು ನರಳುತ್ತಿರುತ್ತಾರೆ.

ನಾನು ನನ್ನ ಜೀವನದ ಏಳುಬೀಳಿನ ಕತೆಯನ್ನು ಇವರೊಂದಿಗೆ ಹಂಚಿಕೊಳ್ಳಲು ಬಯಸಿದ್ದೇನೆ. ನಿಮ್ಮೊಂದಿಗೆ ನಾನಿದ್ದೇನೆ. Random house India ಸಂಸ್ಥೆ ಈ ಪುಸ್ತಕ ಹೊರತರುವ ಬಗ್ಗೆ ಪ್ರಸ್ತಾಪಿಸಿದಾಗ ನನಗೆ ಮೊದಲು ತುಂಬಾ ಅಳುಕಿತ್ತು. ನನ್ನಿಂದ ಇದು ಸಾಧ್ಯವೇ ಎನಿಸಿತ್ತು.

ಆದರೆ, ಲ್ಯಾನ್ಸ್ ಆರ್ಮಸ್ಟ್ರಾಂಗ್ ಪುಸ್ತಕವನ್ನು ಹೊರತಂದ ಸಂಸ್ಥೆ ನನ್ನ ಪುಸ್ತಕವನ್ನು ಹೊರ ತರಲು ಇಚ್ಛಿಸಿದಾಗ ನಾನು ಇಲ್ಲವೆನ್ನಲಾಗಲಿಲ್ಲ. ನನ್ನ ಪುಸ್ತಕ ಕೆಲವರಿಗಾದರೂ ಸ್ಪೂರ್ತಿ ನೀಡಿದರೆ ಅಷ್ಟರಮಟ್ಟಿಗೆ ನಾನು ಧನ್ಯ ಎಂದು ಯುವರಾಜ್ ಹೇಳಿದ್ದಾರೆ.

ಕ್ರಿಕೆಟ್ ವಿಶ್ವಕಪ್ 2011 ಜಯದ ಹಿಂದಿನ ಕತೆ, ಆರೋಗ್ಯದ ಏರು ಪೇರು, ನಿದ್ರಾಹೀನತೆಯಿಂದ ಬಳಲಿದ್ದು, ಆಹಾರವೇ ಸೇರದಂತಾಗಿದ್ದು, ಕೆಮ್ಮು ದಮ್ಮು ಹೆಚ್ಚಾಗಿ ರಕ್ತ ವಾಂತಿ ಮಾಡಿಕೊಂಡಿದ್ದು, ವಿಶ್ವಕಪ್ ಫೈನಲ್ ಗೂ ಹಿಂದಿನ ರಾತ್ರಿ ದೇವರ ಮೊರೆ ಹೊಕ್ಕಿದ್ದು ಕಪ್ ಗೆದ್ದಿದ್ದು ಎಲ್ಲವೂ ಈ ಪುಸ್ತಕದಲ್ಲಿ ಹೊರಬೀಳಲಿದೆ.

ಅಲ್ಲದೆ ಕ್ಯಾನ್ಸರ್ ಬಗ್ಗೆ ತಿಳಿದು ಕೀಮೋಥೆರಪಿ ಚಿಕಿತ್ಸೆ ಆರಂಭಿಸಿದಾಗ ಉಂಟಾದ ಹಿಂಸೆ, ಗೊಂದಲ, ಭಯ, ಕೂದಲು, ದೇಹದ ತೂಕ ಕಳೆದುಕೊಂಡಿದ್ದು, ಏಕಾಂಗಿತನ, ಖಿನ್ನತೆಯಿಂದ ಹೊರಬಂದಿದ್ದು ಎಲ್ಲಾ ವಿಷಯಗಳನ್ನು ಯುವಿ ಹೊರಹಾಕಿದ್ದಾರೆ.

Story first published:  Tuesday, July 10, 2012, 21:50 [IST]
English summary
India all-rounder Yuvraj Singh's memoir "In Different Form" will be published in December 2012. Random House India will publish In Different Form on 12th December 2012 in hardback and also special leather-bound edition, a news release on the publisher's website said on Tuesday(Jul.10).
ಅಭಿಪ್ರಾಯ ಬರೆಯಿರಿ