Englishहिन्दीമലയാളംதமிழ்తెలుగు

ವಿಶ್ವ ಟ್ವೆಂಟಿ20: ದಾಖಲೆಯ 1 ಲಕ್ಷ ಟಿಕೆಟ್ ಮಾರಾಟ

Posted by:
Published: Thursday, June 28, 2012, 22:29 [IST]
 

ವಿಶ್ವ ಟ್ವೆಂಟಿ20: ದಾಖಲೆಯ 1 ಲಕ್ಷ ಟಿಕೆಟ್ ಮಾರಾಟ
 

ಕೊಲೊಂಬೊ, ಜೂ.28: ಐಸಿಸಿಯ 2012ನೇ ಸಾಲಿನ ವಿಶ್ವ ಟ್ವೆಂಟಿ 20 ಕಾವು ಏರುತ್ತಿದ್ದು ಟಿಕೆಟ್ ಗಾಗಿ ಅಭಿಮಾನಿಗಳು ಮುಗಿಬೀಳುತ್ತಿದ್ದಾರೆ ಎಂದು ಐಸಿಸಿ ಹೇಳಿದೆ. ಬುಧವಾರದ ಎಣಿಕೆಯಂತೆ ಸುಮಾರು 100,000 ಟಿಕೆಟ್ ಗಳನ್ನು ಮಾರಾಟ ಮಾಡಲಾಗಿದೆ. ಬಹುತೇಕ ಟಿಕೆಟುಗಳು ಶ್ರೀಲಂಕಾ ಮಾರುಕಟ್ಟೆಯಲ್ಲೇ ಬಿಕರಿಯಾಗಿದೆ.

ವಿಶ್ವಕಪ್ ಟಿ20 ವೇಳಾಪಟ್ಟಿ

ಪ್ರಪ್ರಥಮ ಬಾರಿಗೆ ಏಷ್ಯಾದಲ್ಲಿ ಐಸಿಸಿ ಟ್ವೆಂಟಿ 20 ವಿಶ್ವಕಪ್ ನಡೆಸಲಾಗುತ್ತಿದೆ. ಸೆಪ್ಟೆಂಬರ್ 18 ರಿಂದ ಅಕ್ಟೋಬರ್ 7ರ ತನಕ ಶ್ರೀಲಂಕಾದ ಕೊಲೊಂಬೊ, ಹಮನ್ಟೊಟಾ ಮತ್ತು ಪಲ್ಲೆಕೆಲ್ಲೆ ಮೈದಾನಲ್ಲಿ ಕ್ರಿಕೆಟ್ ಹಬ್ಬ ಆಯೋಜನಗೊಂಡಿದೆ.

ದಾಖಲೆ ಪ್ರಮಾಣದಲ್ಲಿ ಟಿಕೆಟು ಮಾರಾಟವಾಗಿದ್ದನ್ನು ಕಂಡು ಟೂರ್ನಿಮೆಂಟ್ ನಿರ್ದೇಶಕ ಉಪೆಖ ನೆಲ್ ಅವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ವಿಶ್ವ ಟ್ವೆಂಟಿ20 ಟೂರ್ನಿಯನ್ನು ಶ್ರೀಲಂಕಾದಲ್ಲಿ ಆಯೋಜಿಸಲು ಐಸಿಸಿ ಅವಕಾಶ ಕಲ್ಪಿಸಿದ್ದಕ್ಕೆ ನಾವು ಆಭಾರಿಯಾಗಿದ್ದೇವೆ. 100,000 ಟಿಕೆಟುಗಳ ಗಡಿ ದಾಟಿರುವುದು ಕ್ರಿಕೆಟ್ ಬಗ್ಗೆ ಜನರಿಗೆ ಇರುವ ಅಭಿಮಾನವನ್ನು ಎತ್ತಿ ತೋರಿಸುತ್ತದೆ. ಹೊಸ ತಂತ್ರಜ್ಞಾನ ಬಳಸಿ ಟಿಕೆಟ್ ಮಾರಾಟ ಮಾಡಿದ್ದು ಫಲ ನೀಡಿದೆ ಎಂದಿದ್ದಾರೆ.

"ನಮಗೆ 12 ವಾರಗಳ ಕಾಲ ಸಮಯವಷ್ಟೇ ಇದ. ಟಿಕೆಟುಗಳ ಮಾರಾಟದ ಸಿಹಿ ಸುದ್ದಿ ನಮ್ಮ ತಯಾರಿಯನ್ನು ಇನ್ನಷ್ಟು ಹೆಚ್ಚಿಸಿದೆ. ಜುಲೈ ನಲ್ಲಿ ಟಿಕೆಟು ಮಾರಾಟ ಬಂದ್ ಆಗಲಿದ್ದು, ಅಭಿಮಾನಿಗಳು ಆದಷ್ಟು ಬೇಗ ಬಾಕಿ ಇರುವ ಟಿಕೆಟುಗಳನ್ನು ಖರೀದಿಸಲಿ ಎಂದು ಕೇಳಿಕೊಳ್ಳುತ್ತೇನೆ." ಎಂದು ನೆಲ್ ಹೇಳಿದ್ದಾರೆ.

ಸ್ಥಳೀಯ ಮಾರುಕಟ್ಟೆಯಲ್ಲಿ ಶೇ 55ರಷ್ಟು ಟಿಕೆಟು ಮಾರಾಟವಾಗಿದೆ. ಇಂಟರ್ನೆಟ್ ಮೂಲಕ ಆನ್ ಲೈನ್ ಟಿಕೆಟ್ ಮಾರಾಟ ಶೇ 40 ರಷ್ಟಿದೆ. ಶ್ರೀಲಂಕಾ ಪಂದ್ಯಗಳು, ಸೆಮಿಫೈನಲ್ ಹಾಗೂ ಫೈನಲ್ ಪಂದ್ಯದ ಟಿಕೆಟುಗಳಿಗೆ ಭಾರಿ ಬೇಡಿಕೆ ಇತ್ತು ಎಂದು ನೆಲ್ ತಿಳಿಸಿದರು.

ಮಾ.26 ಕ್ಕೆ ಪ್ರಥಮ ಹಂತದ ಟಿಕೆಟು ಮಾರಾಟ ಆರಂಭವಾಯಿತು. ಎರಡನೇ ಹಂತ ಜೂ.12 ರಂದು ಆರಂಭವಾಯಿತು. ಜುಲೈನಲ್ಲಿ ಯಾವುದೇ ಟಿಕೆಟು ಮಾರಾಟ ಇರುವುದಿಲ್ಲ. ಆಗಸ್ಟ್ ನಲ್ಲಿ ಅಂತಿಮ ಹಂತದ ಟಿಕೆಟ್ ಮಾರಾಟ ಆರಂಭಿಸಲಾಗುವುದು ಟೂರ್ನಿ ಆರಂಭಗೊಳ್ಳುವ ದಿನಾಂಕದ ತನಕ ಇರುತ್ತದೆ.

ಟಿಕೆಟ್ ಬೆಲೆ $0.25, $2.50 ಹಾಗೂ $45 ನಷ್ಟಿದೆ. ಪಂದ್ಯಗಳ ಮೇಲೆ ಬೆಲೆಯಲ್ಲಿ ವ್ಯತ್ಯಾಸ ಕಾಣಬಹುದು.

ಮಹಿಳೆಯರ ತಂಡದ ಟ್ವೆಂಟಿ20 ಪಂದ್ಯಗಳು ಗಾಲೆಯಲ್ಲಿ ನಡೆಯಲಿದ್ದು, ಪುರುಷರ ಪಂದ್ಯಗಳಿಗೆ ಟಿಕೆಟ್ ಪಡೆದರೆ ಮಹಿಳೆಯರ ಕ್ರಿಕೆಟ್ ಪಂದ್ಯಗಳನ್ನು ಉಚಿತವಾಗಿ ನೋಡಬಹುದಾಗಿದೆ. (ದಟ್ಸ್ ಕ್ರಿಕೆಟ್)

English summary
The International Cricket Council (ICC) announced on Wednesday that more than 100,000 tickets for the ICC World Twenty20 2012 have been sold and the majority of these tickets have gone to the Sri Lankan market.
ಅಭಿಪ್ರಾಯ ಬರೆಯಿರಿ