Englishहिन्दीമലയാളംதமிழ்తెలుగు
 
Share This Story

ಸುದೀಪ್, ಶಿವಣ್ಣ ತಂಡಗಳ ಮಧ್ಯೆ ಹುಬ್ಬಳ್ಳಿಯಲ್ಲಿ ಚಕಮಕಿ

Posted by:
Published: Tuesday, November 1, 2011, 17:08 [IST]

ಸುದೀಪ್, ಶಿವಣ್ಣ ತಂಡಗಳ ಮಧ್ಯೆ ಹುಬ್ಬಳ್ಳಿಯಲ್ಲಿ ಚಕಮಕಿ
 

ಹುಬ್ಬಳ್ಳಿಯಲ್ಲಿ ನಡೆಯುತ್ತಿರುವ ಡಾ. ರಾಜ್ ಕಪ್ ಕ್ರಿಕೆಟ್ ಅಂತಿಮ ಪಂದ್ಯಾವಳಿಯಲ್ಲಿ ಘರ್ಷಣೆ ಸಂಭವಿಸಿದೆ. ಶಿವಣ್ಣ ತಂಡ ಮತ್ತು ಸುದೀಪ್ ತಂಡಗಳ ನಡುವೆ ಅಂತಿಮ ಹಣಾಹಣಿ ನಡೆಯುತ್ತಿದೆ. ಈ ವೇಳೆ ಮಾತಿಗೆ ಮಾತು ಬೆಳೆದಿದ್ದು ಸುದೀಪ್ ತಂಡದ ಆಟಗಾರರ ಮೇಲೆ ಶಿವಣ್ಣ ತಂಡದ ಆಟಗಾರರು ಕೈ ಮಾಡಿದ್ದಾರೆ.

ಅದಕ್ಕೆ ಬೇಸರಿಸಿಕೊಂಡ ನಟ ಸುದೀಪ್ ಕೆಲ ಹೊತ್ತು ಮೈದಾನದಿಂದ ಹೊರನಡೆದ ಪ್ರಸಂಗ ಜರುಗಿತು. ನಂತರ ರಾಘವೇಂದ್ರ ರಾಜ್ ಕುಮಾರ್ ಮಾತನಾಡಿ ವಿವಾದಕ್ಕೆ ಅಂತ್ಯ ಹಾಡಿದರು. ಆ ವೇಳೆ ನಟ ಧರ್ಮ ಕಡೆ ವಿವಾದದ ಬೊಟ್ಟು ಕೇಂದ್ರೀಕೃತವಾಗಿತ್ತು. ಸ್ಪಷ್ಟ ಮಾಹಿತಿ ಸದ್ಯಕ್ಕೆ ಇಲ್ಲ.

ಆ ವೇಳೆ ಮೈದಾನಕ್ಕೆ ತಿರುಗಿ ಬಂದ ಸುದೀಪ್ "ಶಿವಣ್ಣ, ರಾಘಣ್ಣ, ನಿಮ್ಮನ್ನು ತುಂಬಾ ಪ್ರೀತಿಸ್ತೀನಿ. ನಿಜವಾಗ್ಲೂ ಪ್ರೀತಿಸ್ತೀವಿ. ಆದ್ರೆ ನಿಮ್ಮ ಅಕ್ಕ-ಪಕ್ಕ ಇರೋರಿಗೆ ಸ್ವಲ್ಪ ಹೇಳಿ, ನಮ್ಮ ಮೇಲೆ ಕೈಮಾಡೋದನ್ನ ನಿಲ್ಸೋಕೆ. ನಮಗೂ ಕೈ ಇದೆ". ಸುದೀಪ್ ಮಾತಿಗೆ ರಾಗಣ್ಣ ತಕ್ಷಣ ಪ್ರತಿಕ್ರಿಯೆ ನೀಡಿದ್ದಾರೆ.

ರಾಘಣ್ಣ ಮಾತು "ಆಟ ಅಂದ ಮೇಲೆ ಕೆಲವೊಮ್ಮೆ ಹೀಗೆ ಆಗ್ಬಿಡುತ್ತೆ. ಅದನ್ನೆಲ್ಲಾ ದೊಡ್ಡದು ಮಾಡಬಾರ್ದು. ನಾವೆಲ್ಲ ಬಂದಿರೋದು ಪ್ರೀತಿಯಿಂದ ಆಡೋದಕ್ಕೆ. ಇಲ್ಲಿ ಜಗಳ ಆಡೋದಕ್ಕಲ್ಲ. ಪ್ರೀತಿಯಿಂದ ಎಲ್ಲಾರು ಆಡೋಣ. ನಮ್ಮೆರಡು ಟೀಮಲ್ಲಿ ಯಾರು ಗೆದ್ದರೂ ಸಂತೋಷ" ಎಂದಾಗಿತ್ತು.

ಅದಕ್ಕೆ ಸುದೀಪ್ "ಪ್ರೀತಿಯಿಂದ ಆಡೋಣ, ಪ್ರೀತಿಯಿಂದ ಇರೋಣ. ಯಾರಿಗಾದರೂ ಈ ಘಟನೆಯಿಂದ ಬೇಸರವಾಗಿದ್ರೆ ಕ್ಷಮಿಸಿಬಿಡಿ" ಅಂದಿದ್ದಾರೆ. ಕ್ಷಮೆ ಕೇಳುವುದು ತಪ್ಪು ಮಾಡಿದವರ ಲಕ್ಷಣ ಅಂತ ಅಂದುಕೊಳ್ಳದೇ ಆಟ ಮುಂದುವರಿಯಲು ಅನುಕೂಲವಾಗಲಿ ಎಂದು ಕ್ಷಮೆ ಕೇಳಿದ್ದು ಸುದೀಪ್ ದೊಡ್ಡತನ ಎಂಬುದು ಅಲ್ಲಿದ್ದವರಿಗೆ ಸ್ಪಷ್ಟವಾಗುವಂತೆ ಇತ್ತು ಅಲ್ಲಿಯ ಸನ್ನಿವೇಶ.

ಅಂತಿಮ ಪಂದ್ಯದಲ್ಲಿ, 139 ರನ್ ಗಳಿಸಿರುವ ಶಿವಣ್ಣ ತಂಡದ ವಿರುದ್ಧ 140 ರನ್ ಸವಾಲಿನೊಂದಿಗೆ ಸುದೀಪ್ ತಂಡ ಬ್ಯಾಟಿಂಗ ಆರಂಭಿಸಿದೆ.

English summary
Dr Raj Cup Cricket Final is in action at Hubli. Shivarajkumar and Sudeep Team are playing in Final. But, there was a clash in the time of Final between these 2 teams.

Please read our comments and moderation policy before posting

ಅಭಿಪ್ರಾಯ ಬರೆಯಿರಿ
Click here to type in Kannada